|
Psalmus I
Deus vitam meam annuntiavi tibi
- posuisti lacrimas meas in conspectu tuo.
Omnes inimici mei adversum me cogitabant mala mihi - et consilium fecerunt in unum.
Et posuerunt adversum me mala pro vobis - et odium pro dilectione mea.
Pro eo, ut me diligerent, detrahebant mihi - ego autem orabam.
Mi pater sancte, rex caeli et terrae, ne discesseris a me - quoniam tribulatio proxima est et non est qui adiuvet.
Convertantur inimici mei retrorsum - in quacumque die invocavero te, ecce cognovi, quoniam Deus meus es.
Amici mei et proximi mei adversum me appropinquaverunt et steterunt - et proximi mei a longe steterunt.
Longe fecisti notos meos a me
- posuerunt me abominationem sibi, traditus sum et non egrediebar.
Pater sancte, ne elongaveris auxilium tuum a me
- Deus meus ad auxilium meum respice .
Intende in adiutorium meum
- Domine Deus salutis meae .
Gloria Patri et Filio et Spiritui Sancto: Sicut erat in principio et nunc et semper et in saecula saeculorum. Amen.
Psalmus
II
Domine Deus salutis meae
- in die clamavi et nocte coram te .
Intret in conspectu tuo oratio mea
- inclina aurem tuam ad precem meam.
Intende animae meae et libera eam
- propter inimicos meos eripe me .
Quoniam tu es, qui abstraxisti me de ventre spes mea ab uberibus matris meae
- in te proiectus sum ex utero .
De ventre matris meae Deus meus es tu
- ne discesseris a me.
Tu scis improperium meum et confusionem meam
- et reverentiam meam.
In conspectu tuo sunt omnes, qui tribulant me
- improperium exspectavit cor meum et miseriam.
Et sustinui, qui simul contristaretur et non fuit
- et qui consolaretur et non inveni.
Deus, iniqui insurrexerunt in me
- et synagoga potentium quaesierunt animam meam et non proposuerunt te in conspectu suo.
Aestimatus sum cum descendentibus in lacum
- factus sum sicut homo sine adiutorio inter mortuos liber.
Tu es sanctissimus pater meus
- Rex meus et Deus meus.
Intende in adiutorium meum
- Domine Deus salutis meae.
Psalmus III
Miserere mei, Deus, miserere mei
- quoniam in te confidit anima mea.
Et in umbra alarum tuarum sperabo
- donec transeat iniquitas.
Clamabo ad sanctissimum patrem meum
altissimum - Dominum , qui benefecit mihi.
Misit de caelo et liberavit me
- dedit in opprobrium conculcantes me.
Misit Deus misericordiam suam et veritatem suam
- animam meam eripuit de inimicis meis fortissimis et ab his, qui oderunt me, quoniam confortati sunt super me.
Laqueum paraverunt pedibus meis
- et incurvaverunt animam meam.
Foderunt ante faciem meam foveam
- et inciderunt in eam.
Paratum cor meum, Deus, paratum cor meun
- cantabo et psalmum dicam .
Exsurge, gloria mea, exsurge psalterium et cithara
- exsurgam diluculo.
Confitebor tibi in populis, Domine
- e psalmum dicam tibi in gentibus.
Quoniam magnificata est usque ad caelos misericordia tua
- et usque ad nubes veritas tua.
Exaltare super caelos Deus
- et super omnem terran gloria tua.
Psalmus IV
Miserere mei, Deus, quoniam conculcavit me homo
- tota die impugnans tribulavit me.
Conculcaverunt me inimici mei tota die
- quoniam multi bellantes adversum me.
Omnes inimici mei adversum me cogitabant mala mihi
- verbum iniquum constituerunt adversum me.
Qui custodiebant animam meam
- consilium fecerunt in unum.
Egrediebantur foras
- et loquebantur in idipsum.
Omnes videntes me deriserunt me
- locuti sunt labiis et moverunt caput.
Ego autem sum vermis et non homo
- opprobrium hominum et abiectio plebis.
Super omnes inimicos meos factus sum opprobrium vicinis meis valde
- et timor notis meis.
Pater sancte ne elongaveris auxilium tuum a me
- ad defensionem meam conspice .
Intende in adiutorium meum
- Domine Deus salutis meae .
Psalmus V
Voce mea ad Dominum clamavit
- voce mea ad Dominum deprecatus sum .
Effundo in conspectu eius orationem meam
- et tribulationem meam ante ipsum pronuntio.
In deficiendo ex me spiritum meum
- et tu cognovisti semitas meas.
In via hac qua ambulabam
- absconderunt superbi laqueum mihi.
Considerabam ad dexteram et videbant
- et non erat qui cognosceret me.
Periit fuga a me
- et non est, qui requirat animam meam. Quoniam propter te sustinui
opprobrium- operuit confusio faciem meam.
Extraneus factus sum fratribus meis
- et peregrinus filiis matris meae. Pater sancte, zelus domus tuae comedit me
- et opprobria exprobrantium tibi ceciderunt super me .
Et adversum me laetati sunt et convenerunt
- congregata sunt super me flagella et ignoravi.
Multiplicati sunt super capillos capitis mei
- qui oderunt me gratis.
Confortati sunt, qui persecuti sunt me inimici mei iniuste
- quae non rapui tunc exsolvebam.
Surgentes testes iniqui
- quae ignorabant interrogabant me.
Retribuebant mihi mala pro bonis et detrahebant mihi
- quoniam sequebar bonitatem.
Tu es sanctissimus pater meus
- Rex meus et Deus meus.
Intende in adiutorium meum
- Domine Deus salutis meae.
Psalmus VI
O
vos omnes, qui transitis per viam
- attendite et videte, si est dolor sicut dolor meus.
Quoniam circumdederunt me canes multi
- concilium malignantium obsedit me.
Ipsi vero consideraverunt et inspexerunt me
- diviserunt sibi vestimenta mea et super vestem meam miserunt sortem.
Foderunt manus meas et pedes meos
- et dinumeraverunt omnia ossa mea.
Aperuerunt super me os suum
- sicut leo rapiens et rugiens.
Sicut aqua effusus sum
- et dispersa sunt omnia ossa mea.
Et factum est cor meum tamquam cera liquescens
- in medio ventris mei.
Aruit tamquam testa virtus mea
- et lingua mea adhaesit faucibus meis .
Et dederunt in escam meam fel
- et in siti mea potaverunt me aceto.
Et in pulverem mortis
deduxerunt me - et super dolorem vulnerum meorum addiderunt .
Ego dormivi et
resurrexi - et pater meus sanctissimus cum gloria suscepit
me.
Pater sancte tenuisti manum dexteram meam et in voluntate tua deduxisti me
- et cum gloria assumpsisti me.
Quid enim mihi est in caelo
- et a te quidll volui super terram.
Videte, videte, quoniam ego sum Deus,
dicit Dominus - exaltabor in gentibus et exaltabor in terra.
Benedictus Dominus Deus Israel, qui redemit animas servorum suorum d e proprio sanctissimo sanguine suo
- et non derelinquet omnes qui sperant in eo.
Et scimus, quoniam venit
- quoniam venietls iustitiam iudicarel!
Psalmus
VII
Omnes gentes plaudite manibus
- iubilate Deo in voce exsultationis.
Quoniam Dominus excelsus
- terribilis Rex magnus super omnem terram.
Quia sanctissimus Pater de caelo,
Rex noster ante saecula - misit dilectum Filium suum de alto et operatus est salutem in medio terrae.
Laetentur caeli et exsultet terra commoveatur mare et plenitudo eius
- gaudebunt campi et omnia, quae in eis sunt.
Cantate ei canticum novum
- cantate Domino omnis terra.
Quoniam magnus Dominus et laudabilis nimis
- terribilis est super omnes deos.
Afferte Domino patriae gentium ' afferte Domino gloriam et honorem
- afferte Domino gloriam nomini eius.
Tollite corpora vestra et baiulate sanctam
crucem eius - et sequimini usque in finem sanctissima praecepta eius.
Commoveatur a facie eius universa terra
- dicite in gentibus, quia Dominus regnavit a ligno.
Usque huc dicitur a feria sexta Parasceven usque ad festum Ascensionis quotidie. In festo vero Ascensionis superadduntur isti versiculi:
Et ascendit ad caelos et sedet ad dexteram sanctissimi Patris in
caelis
exaltare super caelos Deus - et super omnem terram gloria tua .
Et scimus quoniam venit
- quoniam veniet iustitiam iudicare.
Et nota, quod ab Ascensione usque ad Adventum Domini dicitur eodem modo quotidie iste psalmus, scilicet:
Omnes gentes cum supradictis versiculis dicendo ibi Gloria Patri, ubi finitur psalmus, scilicet:
quoniam veniet iustitiam iudicare.
Nota quod hi psalmi supradicti dicuntur a feria sexta Parasceven usque ad dominicam Resurrectionis. Eo modo dicuntur ab octava Pentecostes usque ad Adventum Domini et ab octava Epiphaniae usque ad dominicam Resurrectionis exceptis dominicis diebus et festis principalibus, in quibus non dicuntur; aliis vero diebus quotidie dicuntur.
Psalmus VIII
Deus in adiutorium meum intende
- Domine ad adiuvandum me festina.
Confundantur et revereantur
- qui quaerunt animam meam.
Avertantur retrorsum et erubescant
- qui volunt mihi mala.
Avertantur statim erubescentes
- qui dicunt mihi: Euge, euge.
Exsultent et laetentur in te omnes qui quaerunt te
- et dicant semper: Magnificetur Dominus: qui diligunt salutare tuum.
Ego vero egenus et pauper sum
- Deus, adiuva me.
Adiutor meus et liberator meus es tu
- Domine ne moreris.
Et dicitur quotidie ad completorium usque ad octavam Pentecostes.
Ad Matutinum Dominicae Resurrectionis
Psalmus IX
Cantate Domino canticum novum
- quia mirabilia fecit.
Sacrificavit dilectum Filium suum
dextera eius - et brachium sanctum suum .
Notum fecit Dominus salutare suum
- in conspectu gentium revelavit iustitiam suam .
In illa die mandavit Dominus misericordiam suam
- et nocte canticum eius.
Haec est dies, quam fecit Dominus
- exsultemus et laetemur in ea.
Benedictus qui venit in nomine Domini
- Deus Dominus, et illuxit nobis.
Laetentur caeli et exsultet terra ' commoveatur mare et plenitudo eius
- gaudebunt campi et omnia quae in eis sunt.
Afferte Domino patriae gentium ' afferte Domino gloriam et honorem
- afferte Domino gloriam nomini eius.
Usque huc dicitur a dominica Resurrectiolis usque ad festum Ascensionis quotidie ad omnes
horas praeter ad vesperam et ad completorium et primam. Nocte vero Ascensionis superadduntur isti versiculi:
Regna terrae cantate Deo
- psallite Domino.
Psallite Deo, qui ascendit super caelum caeli
- ad orientem.
Ecce dabit voci suae vocem virtutis date gloriam Deo super Israel
- magnificen tia eius et virtus eius in nubibus.
Mirabilis Deus in sanctis suis
- Deus Israel ipse dabit virtutem et fortitudinem plebi suae, benedictus Deus. Gloria.
Et nota, quod iste psalmus ab AscensioneDomini usque ad octavam Pentecostes dicitur quotidie cum supradictis versiculis ad matutinum, et tertiam et sextam et nonam, dicendo ibi
Gloria Patri ubi dicitur: bened ictus Deus, et non alibi.
Item nota, quod eodem modo dicitur solummodo ad matutinum in dominicis diebus et principalibus festis ab octava Pentecostes usque ad adventum Domini, et ab octava Epiphaniae usque ad feriam quintam Coenae Domini, quia in ipsa die cum discipulis suis Dorr~inus pascha manducavit; vel alius psalmus potest dici ad matutinum vel ad vesperam, quando vult, scilicet:
Exaltabo te Domine etc., sicut in psalterio habetur; et hoc a dominica Resurrectionis usque ad festum Ascensionis, et non plus.
Psalmus
X
Jubilate Domino
omnis terra, psalmum dicite nomini eius - date gloriam laudi eius.
Dicite Deo, quam terribilia sunt opera tua, Domine
- in multitudine virtutis tuae mentientur tibi inimici tui.
Omnis terra adoret te et psallat tibi
- psalmum dicat nomini tuo.
Venite, audite et narrabo, omnes qui timetis Deum
- quanta fecit animae meae.
Ad ipsum ore meo clamavi
- et exsultavi sub lingua mea.
Et exaudivit de templo sancto suo vocem meam
- et clamor meus in conspectu eius.
Benedicite gentes
Dominum et auditam facite vocem laudis eius.Et benedicentur in ipso omnes tribus terrae
- omnes gentes magnificabunt eum.
Benedictus Dominus Deus -Israel
- qui facit mirabilia magna solus.
Et benedictum nomen maiestatis eius in aeternum
- et replebitur maiestate eius omnis terra, fiat, fiat.
Psalmus XI
Exaudiat te Dominus in die tribulationis
- protegat te nomen Dei Jacob.
Mittat tibi auxilium de sancto
- et de Sion tueatur te.
Memor sit omnis sacrificii tui
- et holocaustum tuum pingue fiat.
Tribuat tibi secundum cor tuum
- et omne consilium tuum confirmet.
Laetabimur in salutari tuo
- et in nomine Domini Dei nostri magnificabimur.
Impleat Dominus omnes petitiones tuas nunc cognovi, quoniam
misit Dominus Jesunl Christum Filium suum - et iudicabit populos in iustitia.
Et factus est Dominus refugium pauperum adiutor in opportunitatibus in tribulatione
- et sperent in te qui noverunt nomen tuum.
Benedictus Dominus Deus meus quia factus
est susceptor meus et refugium meum - in die tribulationis meae .
Adiutor meus, tibi psallam quia Deus susceptor meus - Deus meus, misericordia mea.
Psalmus XII
In te, Domine, speravi, non confundar in aeternum
- in iustitia tua libera me et eripe me.
Inclina ad me aurem tuam
- et salva me.
Esto mihi in Deum protectorem et in locum munitum
- ut salvum me facias.
Quoniam tu es patientia mea, Domine
- Domine , spes mea a iuventute mea.
In te confirmatus sum ex utero de ventre matris meae tu es protector meus
- in te cantatio mea semper.
Repleatur os meum laude ' ut cantem gloriam tuam
- tota die magnitudinem tuam .
Exaudi me, Domine, quoniam benigna est misericordia tua
- secundum multitudinem miserationum tuarum respice in me .
Et ne avertas faciem tuam a puero tuo
- quoniam tribulor, velociter exaudi me.
Benedictus Dominus Deus meus quia factus
est susceptor meus et refugium meum - in die tribulationis meae.
Adiutor meus tibi psallam ' quia Deus susceptor meus
- Deus meus, misericordia lllea.
Psalmus XIII
Usquequo, Domine oblivisceris me in finem?
- Usquequo avertis faciem tuam a me?
Quamdiu ponam consilia in anima mca
- dolorem in corde meo per diem ?
Usquequo exaltabitur inimicus meus super me?
- Respice, et exaudi me, Domine, Deus meus.
Illumina oculos meos, ne unquam obdormiam in morte
- nequando dicat inimicus meus: Praevalui adversus eum.
Qui tribulant me, exsultabunt si motus fuero
- ego autem in misericordia tua speravi.
Exsultabit cor meum in salutari tuo; cantabo Domino, qui bona tribuit mihi
- et psallam nomini Domini altissimi.
Psalmus XIV
Confitebor tibi, Domine,
sanctissime Pater, Rex caeli et terrae - quoniam consolatus es me.
Tu es Deus salvator meus fiducialiter agam et non timebo.
Fortitudo mea et laus mea, Dominus
- et factus est mihi in salutem.
Dextera tua, Domine, magnificata est in fortitudine dextera tua, Domine, percussit inimicum
- et in multitudine gloriae tuae deposuisti adversarios meos.
Videant pauperes et laetentur
- quaerite Deum et vivet anima vestra.
Laudent illum caeli et terra
- mare et omnia reptilia in eis.
Quoniam Deus salvam faciet Sion
- et aedificabuntur civitates Iudaes
Et inhabitabunt ibi
- et haereditate acquirent eam.
Et semen servorum eius possidebit eam
- et qui diligunt nomen eius habitabunt in ea.
Psalmus XV
Exsultate Deo adiutori nostro - iubilate Domino Deo vivo et vero in voce exsultationis.
Quoniam Dominus excelsus
- terribilis Rex magnus super omnem terram.
Quia sanctissimus pater de caelo, Rex noster ante saecula misit dilectum Filium suum de alto - et natus fuit de beata virgine sancta Maria.
Ipse invocavit me: Pater meus es tu
- et ego primogenitum ponam illum, excelsum prae regibus terrae.
In illa die mandavit Dominus misericordiam suam
- et nocte canticum eius.
Haec est dies, quam fecit Dominus
- exsultemus et laetemur in ea.
Quia sanctissimus puer dilectus datus est nobis et natus fuit pro nobis in via et positus in praesepio - quia non habebat locum in diversorio.
Gloria in altissimis Domino Deo
- et in terra pax hominibus bonae voluntatis.
Laetentur caeli et exsultet terra ' commoveatur mare et plenitudo eius
- gaudebunt campi et omnia, quae in eis sunt .
Cantate ei canticum novum
- cantate Domino omnis terra.
Quoniam magnus Dominus et laudabilis nimis
- terribilis est super omnes deos.
Afferte Domino patriae gentium ' afferte Domino gloriam et honorem
- afferte Domino gloriam nomini eius.
Tollite corpora vestra et baiulate sanctam crucem
eius - et sequimini usque in finem sanctissima praecepta eius. |